<< ΠΡΟΣ ΕΦΕΣΙΟΥΣ 1 >> Ephesians 1 Greek Study Bible

After Paul's salutation,

1   Παῦλος  ἀπόστολος  Χριστοῦ  Ἰησοῦ  διὰ  θελήματος  θεοῦ  τοῖς  ἁγίοις  τοῖς  οὖσιν  ἐν  Ἐφέσῳ  καὶ  πίστοις  ἐν  Χριστῷ  Ἰησοῦ,  2   χάρις  ὑμῖν  καὶ  εἰρήνη  ἀπὸ  θεοῦ  πατρὸς  ἡμῶν  καὶ  κυρίου  Ἰησοῦ  Χριστοῦ.

and thanksgiving for the Ephesians,

3   Εὐλογητὸς  ὁ  θεὸς  καὶ  πατὴρ  τοῦ  κυρίου  ἡμῶν  Ἰησοῦ  Χριστοῦ,  ὁ  εὐλογήσας  ἡμᾶς  ἐν  πάσῃ  εὐλογίᾳ  πνευματικῇ  ἐν  τοῖς  ἐπουρανίοις  ἐν  Χριστῷ,

he treats of our election,

4   καθὼς  ἐξελέξατο  ἡμᾶς  ἐν  αὐτῷ  πρὸ  καταβολῆς  κόσμοῦ  εἶναι  ἡμᾶς  ἁγίους  καὶ  ἀμώμους  κατενώπιον  αὐτοῦ  ἐν  ἀγάπῃ,  5   προορίσας  ἡμᾶς  εἰς  υἱοθεσίαν  διὰ  Ἰησοῦ  Χριστοῦ  εἰς  αὐτὸν  κατὰ  τὴν  εὐδοκίαν  τοῦ  θελήματος  αὐτοῦ.

and adoption by grace;

6   εἰς  ἔπαινον  δόξης  τῆς  χάριτος  αὐτοῦ  ἧς  ἐχαρίτωσεν  ἡμᾶς  ἐν  τῷ  ἠγαπημένῳ.  7   Ἐν  ᾧ  ἔχομεν  τὴν  ἀπολύτρωσιν  διὰ  τοῦ  αἵματος  αὐτοῦ,  τὴν  ἄφεσιν  τῶν  παραπτωμάτων,  κατὰ  τὸ  πλοῦτος  τῆς  χάριτος  αὐτοῦ  8   ἧς  ἐπερίσσευσεν  εἰς  ἡμᾶς  ἐν  πάσῃ  σοφίᾳ  καὶ  φρονήσει,  9   γνωρίσας  ἡμῖν  τὸ  μυστήριον  τοῦ  θελήματος  αὐτοῦ  κατὰ  τὴν  εὐδοκίαν  αὐτοῦ  ἣν  προέθετο  ἐν  αὐτῷ  10   εἰς  οἰκονομίαν  τοῦ  πληρώματος  τῶν  καιρῶν,  ἀνακεφαλαιώσασθαι  τὰ  πάντα  ἐν  τῷ  Χριστῷ  τὰ  ἐπὶ  τοῖς  οὐρανοῖς  καὶ  τὰ  ἐπὶ  τῆς  γῆς

which is the true and proper fountain of man's salvation.

11   ἐν  αὐτῷ.  Ἐν  ᾧ  καὶ  ἐκληρώθημεν  προορισθέντες  κατὰ  πρόθεσιν  τοῦ  τὰ  πάντα  ἐνεργοῦντος  κατὰ  τὴν  βουλὴν  τοῦ  θελήματος  αὐτοῦ  12   εἰς  τὸ  εἶναι  ἡμᾶς  εἰς  ἔπαινον  δόξης  αὐτοῦ  τοὺς  προηλπικότας  ἐν  τῷ  Χριστῷ

And because the height of this mystery cannot be easily attained unto,

13   Ἐν  ᾧ  καὶ  ὑμεῖς  ἀκούσαντες  τὸν  λόγον  τῆς  ἀληθείας,  τὸ  εὐαγγέλιον  τῆς  σωτηρίας  ὑμῶν  ἐν  ᾧ  καὶ  πιστεύσαντες  ἐσφραγίσθητε  τῷ  πνεύματι  τῆς  ἐπαγγελίας  τῷ  ἁγίῳ,  14   ὅ  ἐστιν  ἀρραβὼν  τῆς  κληρονομίας  ἡμῶν,  εἰς  ἀπολύτρωσιν  τῆς  περιποιήσεως,  εἰς  ἔπαινον  τῆς  δόξης  αὐτοῦ.

15   Διὰ  τοῦτο  κἀγὼ  ἀκούσας  τὴν  καθ’  ὑμᾶς  πίστιν  ἐν  τῷ  κυρίῳ  Ἰησοῦ  καὶ  τὴν  εἰς  πάντας  τοὺς  ἁγίους

he prays that they may come to the full knowledge and possession thereof in Christ.

16   οὐ  παύομαι  εὐχαριστῶν  ὑπὲρ  ὑμῶν  μνείαν  ποιούμενος  ἐπὶ  τῶν  προσευχῶν  μου,  17   ἵνα  ὁ  θεὸς  τοῦ  κυρίου  ἡμῶν  Ἰησοῦ  Χριστοῦ,  ὁ  πατὴρ  τῆς  δόξης,  δώῃ  ὑμῖν  πνεῦμα  σοφίας  καὶ  ἀποκαλύψεως  ἐν  ἐπιγνώσει  αὐτοῦ,  18   πεφωτισμένους  τοὺς  ὀφθάλμους  τὴς  καρδίας  ὑμῶν  εἰς  τὸ  εἰδέναι  ὑμᾶς  τίς  ἐστιν  ἡ  ἐλπὶς  τῆς  κλήσεως  αὐτοῦ,  τίς  ὁ  πλοῦτος  τῆς  δόξης  τῆς  κληρονομίας  αὐτοῦ  ἐν  τοῖς  ἁγίοις,  19   καὶ  τί  τὸ  ὑπερβάλλον  μέγεθος  τῆς  δυνάμεως  αὐτοῦ  εἰς  ἡμᾶς  τοὺς  πιστεύοντας  κατὰ  τὴν  ἐνέργειαν  τοῦ  κράτους  τῆς  ἰσχύος  αὐτοῦ.  20   ἣν  ἐνήργηκεν  ἐν  τῷ  Χριστῷ  ἐγείρας  αὐτὸν  ἐκ  νεκρῶν  καὶ  καθίσας  ἐν  δεξιᾷ  αὐτοῦ  ἐν  τοῖς  ἐπουρανίοις  21   ὑπεράνω  πάσης  ἀρχῆς  καὶ  ἐξουσίας  καὶ  δυνάμεως  καὶ  κυριότητος  καὶ  πάντος  ὀνόματος  ὀνομαζομένου,  οὐ  μόνον  ἐν  τῷ  αἰῶνι  τούτῳ  ἀλλὰ  καὶ  ἐν  τῷ  μέλλοντι·  22   καὶ  πάντα  ὑπέταξεν  ὑπὸ  τοὺς  πόδας  αὐτοῦ  καὶ  αὐτὸν  ἔδωκεν  κεφαλὴν  ὑπὲρ  πάντα  τῇ  ἐκκλησίᾳ,  23   ἥτις  ἐστὶν  τὸ  σῶμα  αὐτοῦ,  τὸ  πλήρωμα  τοῦ  τὰ  πάντα  ἐν  πᾶσιν  πληρουμένου.